QILUSA PILLUGU
Qilusa timimik atuilluni aalaneq tunngavigalugu pikialaartitsitsineq taamatut pisussat nunatsinni siullersarivaat. Ulluni 10. – 16. november Nuummi nuannersunik pisorpassuaqassaaq imaralugit nutaamik timimik atuinerit, eqqarsartaatsit unammillerlugu nuannersumik misigisaqartitsinerit… nukinillu atuiffiusut.
Aalaneq, timersorneq, peqqissuseq piorsarsimassuserlu akuleeriissillugit Qilusap timersornermik isiginnittaaseq allanngortinniarpaa, ingerlassinnaasanik nutaanik misiliinissamut unammillerlutit kaammattorlutit (tak. iserfissaq ”aktiviteter” / ingerlanneqartussat), taamallu timersornerup ataatsimoortitsineranut aggersarlutit.
Aalaneq kinaassuserlu
Pikialaartitsinermi ingerlanneqartussat sammiviit marluusut aallavigivai: Aalaneq kinaassuserlu.
Timersornermi sumiiffigisami arsaattartut peqatigiiffianni ilaasortaanerinnaanngilaq, iluanili aamma ipput aaqqissuussaanngitsumik namminerlu ilusilikkamik timersortarnerit, soorlu sungiusaqatigisartagaq ilagalugu arpattarneq – samminiagarpummi tassaavoq siammasissumik timimik atuisarneq, taassuma ataani illutik, soorlu qitittarneq, ilaquttat peqatigalugit qaqqani pisuttuartarneq aamma suliffimmi walk & talk-imik taallugu ingerlataqarneq.
Inuiaavugut aallutaqartartuusut tamannalu ilisarnaatitta ilagivaat, pinnguarluni aalallunilu nuannisaqatigiittarneq. Kisianni ullutsinni issiaannarnerulernikuuvugut tamannalu allanngortinniartariaqarparput.
Aalaneq kikkunnut tamanut sammisuuvoq. Aalaneq nuannersuuvoq.
Kikkunnut tamanut sammisassaqassaaq – ilinnut pimoorussiumasumut – aammalu ilinnut, peqqinnerusumik inuuneqalernissap tungaanut siullermeersumik alloriarumasumut. Pikialaartitsineruvoq, soqutigisat tamaasa akimorlugit naapeqatigiiffik, timersuutit misilittakkanillu ujartuiffik high-five-illattaarluni, misilittagassarsiorneq illaqatigiinnerlu.
Pikialaartitsinermi assigiinngitsorpassuit ingerlanneqassapput, soorlu isiginnaartitsinerit, workshopernerit soqutiginartut isumassarsiorfissaqqissunillu oqalugiarnerit, nipilersornerit/eqqumiitsuliat, filmertitsinerit, takutitsinerit – soorunalumi aamma annertuumik timimik aalatitsinermut sammisut! Tuugassaq toorlugu pisussatut pilersaarutit soqutiginartut alakkakkit (link til program)
Pisussanik aaqqissuillutillu ingerlatsisussat ilai sumiiffigisaminngaanneersuupput, nunatsinneersuullutik, nunaniillu allaneersuullutik. Pikialaartitsineq naggaserlugu Maligassiuisut Show-imik naggaserneqassaaq, tassani nersorniarneqassallutik timersorneq kajumissutsiminnillu suleqataasut.
Ulluinnarni illit aamma aalanerunissat maqaasisarpiuk? Qaa ataatsimoorluta aallaqatigiilersitsisa! ☺
Iserfissiaq iserfigalugu takujuk pikialaartitsineq sumi ingerlanneqassasoq aammalu takullugit nalinginnaasumik paasissutissiissusiaasut
