FAQ

Kikkunnut sammititaava?

Qilusa TAMANUT naatsorsuussaavoq: meeqqanut, utoqqarnut, inuussuttunut inersimasunullu. Naatsorsuussaavorlu timimik atuinermik aallutaqareersunut aammalu aallutaqartuunngitsunut. Tassa imaappoq, naatsorsuussaavoq kikkunnut tamanut alapernaatsunut ulluinnarnerminnilu aalanerunissamik maqaasisaqartunut!


Qaqugu pissava?

10. – 16. november 2019


Pikialaartitsineq sumi ingerlanneqassava?

Nuuk tamakkerlugu ingerlanneqassaaq. Ingerlatsivigineqassappummi, Illorput, Inussivik, Katuaq, USK, AHL, Malik, Sisorarfiit, Bank Nordik sumiiffiillu allarpassuit. Suut sumiiffinni assigiinngitsuni ingerlanniarneqartut uani takusinnaavatit.


Susoqassava? (Pilersaarutit)

Pikialaartitsinermi pisussatut pilersaarutaasut uani takusinnaavatit Pilersaarutit. Aamma Qilusa app aqqutigalugu akeqanngitsumik aallersinnaavutit.


Peqataaniarluni nalunaarnissaq peqataassutissallu

Qilusamut peqataassutissanik pisinissaq pisariaqanngilaq aammalu pisariaqarnani peqataaniarluni nalunaarnissaq. Ingerlanneqartussalli ilaat inissakilliorfiusinnaapput, taamaattumik pisussat ataasiakkaat pillugit paasiniaaqqaartarit ugguuna: Ingerlanneqartussat


Sooq nalunaareertoqarsinnaanngila?

Pileritsariataarluni peqataasinnaanissaq ammatikkusukkatsigu, kikkulluunniillu peqataarusuttut assigiimmik periarfissikkusullugit. Naliliisimavugut nalunaareernani pileritsaassilluni peqataariataarsinnaanissaq iluarnerpaajusoq.

Misilittakkagut malillugit aamma imaammat, akeqanngitsumik sammisaqartoqarniartillugu ilai peqataaniarlutik nalunaariarlutik takkutinngitsoortarmata asuliinnarsuarlu taamaalillutik allanik inagiillutik. Issiavinnik inuttaqarsinnaagaluartunik inoqanngitsoortitsillutik.

Ilaaffigerusussuaagaqaruit, pinngitsoornak ilaarusullutit, siunnersiussavatsigit takkutiaassasutit


Qanoq ukioqarnissaq piumasarineqarpa?

Kikkut tamarmik pisussani tamani peqataanissamut tikilluaqquneqarput. Kisianni pisussat ilaat ukioqqortussutsinut aaliangersimasunut naleqqunnerusuupput. Pisussatut pilersaarusiami takusinnaavatit sammisassat akornanni suut ilinnut naleqqunnerpaasuusut: Ingerlanneqartussat


Attaveqaatit tamanut ammasut

Facebook-ikkut pikialaartitsineq malittarisinnaavat. Pikialaartitsinerup ingerlanerani assiliisarniarna uatsinnut aammalu ikinngutinnut nassiussuisarlutit. Tag una atortaruk #Qilusa


App

Qilusa App akeqanngitsumik aasinnaavat taannalu aqqutigalugu sunik pisoqassanersoq malinnaaffigisinnaalissallugu. Aamma tassani illit nammineq atugassannik aaqqissuussisinnaavutit


App’ikkut oqaatsit sorliit atorusunnerlugit qanoq nuuttarpaat?

Qilusa app´eq kalaallisuujullunilu qallunaatuujuvoq. Qulaani talerpillermiippoq kiinaq taanna tooriarlugu titarnerit ammoortut pingasut ammalortortallit toorlugit oqaatsinik toqqaasarsinnaavutit.


App’eq nalorsarfigigukku ikiorneqarsinnaavutit

App´imik ineriartortitsinikoq ikiuutaarusuppoq – uunga allaffigisinnaavat support@greencopper.com


Nittartakkamut ikiorsiissut

Programmi nittartakkatsinniittoq takusinnaanngikkukku uunga allagit  support@greencopper.com


Ilinnut programmiliuugit

App´ikkut ilinnut programmiliuussinnaavutit nuannerunartinnerpaasatit (sammerusutat iserfigeriarlugu nalaaniittoq ulloriaq toortarlugu katersoorsinnaavatit ornikkusutatit ataatsimoortilerlugit). Aamma facebookikkut ikinngutitit sammerusunnerpaasarnik malinnaatissinnaavatit.


Sammisassat arlaat taamaatissagaluarpat

Sammisassat arlaat taamaatissagaluarpat (soorlu napparsimasoqarnera ass. pissutaallutik) aap´ikkut takuneqarsinnaassaq, nittartakkakkut facebookikkulluunniit. Ataatsimut isigalugu siunnersussavatsigit allannguuteqartoqarsimanersoq alakkallattaaqqullugu, nittartakkatsigut, app´kkut facebookikkulluunniit, piffissaq kingulleq atorlugu allannguuteqartoqariataartoqarsimasinnaammat.


Ajutoortoqassappat

Ambulance: 34 41 12

Napparsimavik (skadestue): 34 44 00

Qatserisartut: 113

Politi: 70 14 48


Pigisat qimanneqartut

Pigisat qimanneqarsimasut GIF-ip allaffeqarfianut Issortarfimmut 8, st. vt-miittumut tunniunneqartassapput uninngatitallu 18. december 2019 tikillugu tigummineqartassallutik.


Annertunerusumik paasissutissiissutit

Pikialaartitsineq pillugu annertunerusunik paasisaqarusukkuit, taava sianerfigiuk 34 81 50 imal. uunga e-mail-ikkut allaffigaluta saaffiginnissuteqarlutit gif@gif.gl


Festivali illoqarfinni allani ingerlanneqassava?

GIF siullermeertumik timip aalatinnerulernissaanut festivalimik aatsaat taama angitigisumik aaqqissuussivoq, festivalimi anguniagarput angusimassanerlutigu paasiniaqqaassavarput. Festivali nalilersorneqassaaq, taassumalu kingorna paasissavarput festivali inunnut allannguuteqartitsisimassanersoq, ulluinnarnilu timiminnik aalatitsikulanngitsut aalatitsiffigilerneruneraat.

Neriuppugut suliap siunertaa Kalaallit Nunaata sineriaanut anngukkumaartoq – takorluugaavormi – nalilersorneqareerpallu aatsaat qanoq siaruarnerusinnaanera pilersaarusiorneqarsinnaalissaaq.


Festivali sooq Qilusamik ateqarpa?

Qilusa festival siunertarivaa aalanikkut immitsinnut ikioqatigiilluta nikuinnissarput/kivinnissarput. Oqaasileriffimmiik aamma taanna isumaqataallutik oqaatsimut atukkatsinnut oqariartuuteqarnikuupput. Kiisalu quppersakkaminni assigiinngissusaa aamma namminneq oqaasileriffimmit nittarsaannikuullugu.